Hvað þarf kaupandi að gera?

Kaupandi þarf að fá eftirtaldar upplýsingar hjá seljanda:

• skírteini sem sannar að seljandi sé skráður eigandi bifreiðar.
• hvort veð hvíli á bifreiðinni.
• nýtt veðbókarvottorð (ef veð er á bifreiðinni).
• eigendaferil.
• niðurstöður úr undangengnum aðalskoðunum.
• innlagningu á númerum ef um það er að ræða.
• áhvílandi bifreiðagjöld (kaupandi greiðir bifreiðagjöld frá kaupdegi).
• gildar ábyrgðartryggingar.
• dagsetningar skráninga.
• skoðunarskýrslur.

Kaupandi þarf að athuga:

• hvort seljandi sé skráður eigandi hjá Umferðastofu eða hafi vottað umboð eiganda til að selja.
• hvort að veð sé á bifreiðinni.
• hvort að bifreiðagjöld séu greidd. Kaupandi greiðir bifreiðagjöld frá kaupdegi hægt að reikna út á heimasíðu Ríkisskattstjóra undir reiknivélar.
• hvort að allar skuldbindingar seljanda séu frágengnar áður en kaup eru gerð.
• hvort bifreið sé skráð tjónabifreið eða hafi verið í eigu tryggingafélags.
• Ástandsskoðun - að fá faggilda aðila til að ástandsskoða bílinn. Hlutlausir fagaðilar sem ástandsskoða bifreiðar eru Frumherji hf. og Aðalskoðun hf. og einnig býður fjöldi bifreiðaverkstæða þessa þjónustu - sjá vef Bílgreinasambandsins.

Einnig gott að fá eftirfarandi upplýsingar

• reikninga vegna viðgerða og varahluta.
• kvittanir, t.d. fyrir viðhaldi og öðru sem gert hefur verið.
• rekstrar- og handbækur.