Spurningar og svör v/endurútreikninga

Fyrsta áfanga endurútreiknings verður lokið eigi síðar en 5. nóvember nk. Í þeim áfanga eru virkir samningar þar sem einn og sami skuldari hefur verið frá útgáfudegi. Ekki liggur ljóst fyrir hvenær endurútreikningi annarra saminga lýkur en stefnt er að þeirri vinnu ljúki eins fljótt og kostur er.

Við endurútreikning skal miðað við óverðtryggða almenna vexti Seðlabanka Íslands á hverjum tíma, hægt að sjá þróun þeirra á http://sedlabanki.is/?PageID=8

Vanskil vegna eldri gjalddaga á virkum samningum sem ekki eru í lögfræðiinnheimtu, verða sett inn í höfuðstól. Ef einhverjir útistandandi reikningar eru vegna opinberra gjalda, trygginga eða stöðumælasekta þá verður leigutaki að greiða þá.

Uppgreiddir samningar verða endurútreiknaðir með sama hætti og virkir samningar. Viðskiptavinir sem hafa greitt samninga sína upp að fullu geta séð endurútreikning á “mínar síður” þegar samningar hafa verið endurútreiknaðir sem verður eins fljótt og kostur er.

Þegar endurútreikningur er framkvæmdur er tekið mið af upphaflegum lánstíma að viðbættum þeim lengingum sem framkvæmdar hafa verið á samningstímanum. Þetta nær þó ekki til lengingar vegna greiðslujöfnunar, þar sem ekki var um fyrirfram ákveðna lengingu að ræða.

Eftir að greiðsluseðill hefur verið sendur út, verða upplýsingar um mánaðarlegar greiðslur eftir endurútreikning, aðgengilegar á heimasíðu Avant undir „mínar síður“.

Upphaflegi samningurinn er endurreiknaðar m.v. almenna óverðtryggða vexti Seðlabanka Íslands á hverjum tíma. Ef greiðslur sem skuldari hefur innt af hendi eru hærri en endurreiknaðar fjárhæðir á gjalddaga hefur skuldari ofgreitt til Avant. Ofgreiðslu verður ráðstafað til lækkunar á samningi. Ef heildar greiðslur skuldara eru lægri en endurreiknaðar fjárhæðir á gjalddaga þá leggst sú fjárhæð við stöðu samnings eftir endurútreikning. Ef viðskiptavinur hefur greitt dráttarvexti og/eða ítrekunargjöld, nýtist það honum einnig sem greiðsla í þessum útreikningi.

Endurútreikningur á erlendu bílaláni m.v. 30.09.2010.

Í grunninn er miðað við upphaflegan höfuðstól lánsins í íslenskum krónum. Sá höfuðstóll er vaxtareiknaður frá lántökudegi til 30.09.2010. Miðað er við óverðtryggða vexti Seðlabanka Íslands skv. lögum nr. 151/2010. Jafnframt eru allar greiðslur af láninu vaxtareiknaðar til 30.09.2010 með sömu vöxtum. Vaxtareiknaði höfuðstóllinn að frádregnum vaxtareiknuðum greiðslum mynda eftirstöðvar lánsins.

----------

Endurútreikningur á erlendu bílaláni m.v. 30.11.2010.

Í grunninn er miðað við upphaflegan höfuðstól lánsins í íslenskum krónum. Sá höfuðstóll er vaxtareiknaður frá lántökudegi til 30.11.2010. Miðað er við óverðtryggða vexti Seðlabanka Íslands skv. lögum nr. 151/2010. Jafnframt eru allar greiðslur af láninu vaxtareiknaðar til 30.11.2010 með sömu vöxtum. Vaxtareiknaði höfuðstóllinn að frádregnum vaxtareiknuðum greiðslum mynda eftirstöðvar lánsins.

-----------

Endurútreikningur á erlendu bílaláni m.v. 31.12.2010.

Í grunninn er miðað við upphaflegan höfuðstól lánsins í íslenskum krónum. Sá höfuðstóll er vaxtareiknaður frá lántökudegi til 31.12.2010. Miðað er við óverðtryggða vexti Seðlabanka Íslands skv. lögum nr. 151/2010. Jafnframt eru allar greiðslur af láninu vaxtareiknaðar til 31.12.2010 með sömu vöxtum. Vaxtareiknaði höfuðstóllinn að frádregnum vaxtareiknuðum greiðslum mynda eftirstöðvar lánsins.

Eftir að greiðsluseðill hefur verið sendur út, geta viðskiptavinir farið inn á „mínar síður“ og séð upplýsingar um endurútreikning lána sinna. Til þess að komast inn á „mínar síður“ er nauðsynlegt að vera með lykilorð sem verður sent í heimabanka þinn.

Samkvæmt lögum sem samþykkt voru á Alþingi þann 18. desember 2010 og staðfest voru af Forseta Íslands í lok árs var fjármálafyrirtækjum gefinn kostur á að ljúka endurútreikningi yfirtekinna samninga innan 60 daga frá gildistöku laganna.