Frétt

Magnús Gunnarsson framkvæmdastjóri Avant færði í dag Barnaspítala Hringsins 750 þúsund króna styrk. Skal fjárhæðin renna til endurmenntunar starfsfólksins. Vill fyrirtækið með því stuðla að því að landsmenn geti áfram notið framúrskarandi þjónustu starfsfólks spítalans og þakka um leið það fórnfúsa starf sem þar er unnið.

Þetta er í þriðja sinn sem Avant færir Barnaspítalanum styrk af þessu tagi.

Á myndinni má sjá Jón Hilmar Friðriksson, framkvæmdastjóra Kvenna- og barnasviðs Landsspítalans, sem tók við styrknum, ásamt Magnúsi Gunnarssyni sem heldur á hluta nokkrum af nýjum barnabókum sem hann færði leikstofu Barnaspítalans að auki.