Fréttir

Ekki verða sendir út greiðsluseðlar vegna gjalddaga bílasamninga í erlendri mynt nú í júlí og ágúst næstkomandi. Óski viðskiptavinir eftir því að greiða engu að síður, biðjum við þá um að hafa samband við okkur í síma 412 8900.

Fjármálaeftirlitið og Seðlabanki Íslands hafa nú gefið út tilmæli til fjármálafyrirtækja um það hvernig þau skulu haga endurreikningi þeirra lánasamninga sem að mati viðkomandi lánafyrirtækis innihalda óskuldbindandi gengistryggingarákvæði sbr. dóma Hæstaréttar frá 16. júní um lögmæti lánsskuldbindinga í íslenskum krónum tengdra gengi erlendra gjaldmiðla, sbr. mál réttarins nr. 92/2010 og 153/2010. Niðurstaða Hæstaréttar var á þann veg að gengistrygging slíkra lána væri óskuldbindandi. Avant mun fara eftir framangreindum tilmælum og hefst úrvinnsla samkvæmt þeim nú þegar. Ljóst er þó að niðurstöðu er ekki að vænta fyrir viðskiptavini alveg á næstu dögum þar sem undirbúningur og endurrreikningur mun taka einhvern tíma. Starfsfólk Avant mun flýta þeirri vinnu eins og kostur er og verða fréttir af framvindu mála fluttar hér á vef okkar um leið og málin skýrast. Það skal skýrt tekið fram að viðskiptavinir tapa að sjálfsögðu ekki betri rétti sem þeir kunna að öðlast í framhaldinu en líklegt má teljast að frekari dómsúrskurði þurfi til svo fá megi fram endanlega niðurstöðu um tilhögun þessara mála.

Fjármálaeftirlitið og Seðlabanki Íslands senda fjármálafyrirtækjum tilmæli vegna óskuldbindandi gengistryggingarákvæða og kynna þau í kjölfarið á sameiginlegum blaðamannafundi. Tilmælin eru svohljóðandi:

Ógreiddir greiðsluseðlar bílasamninga í erlendri mynt með gjalddaga frá og með 16. júní til 30. júní 2010 sem sendir voru út áður en dómur féll í Hæstarétti Íslands um lögmæti slíkra samninga, munu ekki bera dráttarvexti eða vanskilagjöld vegna þeirrar óvissu sem uppi er eftir dóminn.

Vegna dóms Hæstaréttar um ólögmæti bílalána/samninga í erlendri mynt hefur skapast óvissa um hvernig farið skuli með slík lán varðandi endurútreikning og uppgjör. Avant hf. mun því ekki senda út innheimtuseðla vegna þessara lána/samninga þar til fyrir liggur hvernig staðið verður að útreikningi þeirra og innheimtu til framtíðar. Hlé verður einnig gert á frekari innheimtuaðgerðum, riftunum og vörslusviptingum vegna framangreindra lána/samninga þar til niðurstaða er fengin. Það skal tekið fram að þeir viðskiptavinir Avant hf. sem hafa nýtt sér greiðsluúrræði félagsins hafa ekki með því fyrirgert rétti sínum til leiðréttingar.Nánari grein verður gerð fyrir aðgerðum Avant hf. hér á vef félagsins eftir því sem efni gefast til en vonir standa til að ákvörðun um framvindu málsins liggi fyrir innan skamms.

Eftirfarandi er yfirlýsing frá Samtökum fjármálafyrirtækja: "Hæstiréttur hefur í dag miðvikudaginn 16. júní kveðið upp dóma í tveimur málum sem vörðuðu gengistryggða bílasamninga. Samtök fjármálafyrirtækja (SFF) telja jákvætt að réttaróvissu hafi verið eytt hvað varðar þessa tegund samninga."

Um nokkurt skeið hefur dóms Hæstaréttar um lögmæti lána í erlendri mynt verið beðið enda gæti dómurinn haft veruleg áhrif á það hvernig unnt væri að bregðast við þeim vanda sem gengishrun íslensku krónunnar skapaði, umfram þær lausnir sem nú þegar hefur verið gripið til. Niðurstaða réttarins liggur nú fyrir. Má innan skamms vænta frekari upplýsinga um viðbrögð Avant hf. hér á vef okkar.

Um þessar mundir gera Samtök fjármálafyrirtækja gangskör að því að bæta öryggi í viðskiptum.

Settar hafa sameiginlegar reglur fjármálafyrirtækja um fjárhagslega endurskipulagningu fyrirtækja.

Vegna þeirrar réttaróvissu sem nú er uppi um lögmæti gengistryggðra bílasamninga vegna tveggja misvísandi dóma Héraðsdóms Reykjavíkur, vill Avant hf. taka fram að ef Hæstiréttur Íslands staðfestir dóm héraðsdóms í máli Lýsingar frá 12. febrúar sl., á þeim forsendum að gengistrygging höfuðstóls sé ólögmæt þá má vænta að sú niðurstaða hafi áhrif á sambærilega gengistryggða lánasamninga Avant hf.

Hér fer á eftir yfirlýsing frá Avant hf. vegna dóms Héraðsdóms Reykjavíkur þann 12. febrúar sl., í innheimtumáli Lýsingar hf. á grundvelli gengistryggðs kaupleigusamnings um bifreið, að gengistrygging höfuðstóls í slíkum lánssamningi falli undir hugtakið verðtryggingu í skilningi 14.gr. vaxtalaga nr. 38/2001 og af þeim ástæðum sé gengistryggingin óheimil þar sem einungis sé í lögunum heimilt að verðtryggja lánasamninga í íslenskum krónum með tengingu við neysluverðsvísitölu sem gefin er út af Hagstofu Íslands.

Dómnefnd skipuð fagfólki í vefmálum hefur nú valið þá vefi sem keppa til úrslita um hin eftirsóknarverðu Íslensku vefverðlaun. Avant.is er tilnefndur til verðlauna í flokknum Besti sölu- og kynningarvefur fyrirtækis með færri en 50 starfsmenn.